Thursday, February 21, 2013

မျက်နှာ ကလေး ဖြူဖွေး နူးညံ့ ချောမွေ့နေစေဖို့

Photo: မျက်နှာကလေး ဖြူဖွေး နူးညံ့ ချောမွေ့နေစေဖို့
Thursday, February 21, 2013  

လူတိုင်း အလှနဲ့ပတ်သက်ရင် မျက်နှာကို ပထမ ဦးစားပေးကြပါတယ်။ 
ကိုယ်မျက်နှာလေး နူးညံ့ဝင်းပ ချော့မွေ့ နေစေဖို့ အတွက် သကြားရဲ့ လျှို့ဝှက်ချက်တချို့ကို မျှဝေပေးချင် ပါတယ်။ 

သကြားဟာ တကယ်တော့ ကာဗွန် တမျိုးပါဘဲ။ သကြားမှာ ကာဗွန်ရဲ့ သဘောအတိုင်း အညစ်အကြေး၊ အနံ့အသက်တွေ ကို စုပ်ယူ တတ်တဲ့ သဘာဝ ရှိပါတယ်။ မျက်နှာပြင်အောက်က အညစ်အကြေး၊ အနံ့အသက်တွေကို သကြားက စုပ်ယူနိုင်စွမ်းရှိပါတယ်။ 

လုပ်ပုံလုပ်နည်းကလေးကတော့ နေ့စဉ် ည အိပ်ရာမ၀င်မီ ၁ နာရီလောက် အလိုတိုင်း မျက်နှာကို ရေနွေး ခပ်နွေးနွေးလေးနဲ့ မျက်နှာသစ်လိုက်ပါ။ အသုံးပြုတဲ့ ဆပ်ပြာကလည်း အကြမ်းစား အပေါစားတွေတော့ မသုံးသင့်ပါဘူး။ သင့်တင့်တဲ့ မျက်နှာ သစ် ဆပ်ပြာအနုစား တမျိုးမျိုးနဲ့ သုံးတာပိုသင့်တော်ပါတယ်။ 

မျက်နှာသစ်ပြီး ၁၅ မိနစ်လောက် မျက်နှာက ရေကို မသုပ်ဘဲ ထားရပါမယ်။ ပြီးရင်တော့ သကြားမှုံမှုံမျိုးကို မိမိရဲ့ မျက်နှာပြင်မှာ ညင်သာစွာနဲ့ ပွတ်ပေးရပါမယ်။ တဖြည်းဖြည်းချင်း ပွတ်နေရင်းက ကိုယ်ပူချိန်ကြောင့် မျက်နှာဟာ ချွဲလာပါမယ်။ 

အဲဒီလို သကြားမှုံများ ပျော်သွားပြီး ချွဲလာသည်အထိ ၁၅ မိနစ်ခန့် ညင်သာစွာနဲ့ မျက်နှာ တပြင်လုံးကို ပွတ်နယ်ပေးနေပါ။ ၁၅ မိနစ်ကြာပြီးနောက်ပိုင်း သူ့ကို ဒီအတိုင်း မိနစ် ၃၀ ခန့် ထားလိုက်ပါ။
ပြီးတော့ မှ ရေနွေးနွေးလေးနဲ့ ဆေးကြောပေးလိုက်ပါ။ ပြီးမှ မျက်နှာသုပ်ပုဝါနဲ့ ရေသုပ်ပေးပါ။ 

ဒီလိုလုပ်ဆောင်တာကို မနက်အစောနဲ့ ညပိုင်းတွေမှာ 
တနေ့ ၂ ကြိမ်လည်း လုပ်နိုင်ပါတယ်။ 

ရက်သတ္တပတ် ၃ ပတ်ခန့်မှာ သင့်မျက်နှာဟာ သိသိသာသာ နူးညံ့ချောမွေ့ဝင်းပလာမှာကို သင် ကိုယ်တိုင် မြင်တွေ့လာရပါမယ်။ အသားညိုသူတွေလည်း စိုပြေ၀င်းပလာတာကို သတိထားမိလာပါလိမ့် မယ်။ 

မျက်နှာပြင်အောက်မှာ ရှိတဲ့ ဆားဝက်ခြံ၊ တင်းတိတ်၊ အရေပြား တွန့်တာ၊ မျက်ရစ်ကျတာ၊ အသားတွဲ တာ၊ ချွေးပေါက်တွေ ကျယ်ပြီး ကြီးတာ၊ အဆီအမြဲပျံနေတတ်တာ၊ မျက်နှာပြင်ခြောက်သွေ့ပြီး မျက်နှာက တင်းတင်းရင်းရင်း မရှိဘဲ ကျနေတာမျိုး တွေကို သကြားရဲ့ ဓာတ်က
ပြုပြင် စုပ်ယူသွားမှာဖြစ်ပါတယ်။ 

ပြင်သစ်နိုင်ငံထုတ် မဂ္ဂဇင်း တစောင်ရဲ့ အလှတရားရဲ့ လျှို့ဝှက်ချက်များ ကဏ္ဍထဲက သကြားအကြောင်း တစိပ်တပိုင်းကို ဖော်ပြပေး လိုက်တာပါ။ 

အိမ့်သံစဉ်  
ဧရာဝတီလူတိုင်း အလှနဲ့ပတ်သက်ရင် မျက်နှာကို ပထမဦးစားပေးကြပါတယ်။
ကိုယ်မျက်နှာလေး နူးညံ့ဝင်းပ ချော့မွေ့ နေစေဖို့အတွက် သကြားရဲ့ လျှို့ဝှက်ချက်တချို့ကို မျှဝေပေးချင် ပါတယ်။

နိုင်ငံခြားသတင်းဌာန သုံးခု ပြည်တွင်း၌ ရုံးခန်းဖွင့်လှစ်ခွင့် ရရန် ပြန်ကြားရေးဝန်ကြီးဌာနသို့ တရားဝင် စာတင်

Photo: နိုင်ငံခြားသတင်းဌာန သုံးခု ပြည်တွင်း၌ ရုံးခန်းဖွင့်လှစ်ခွင့် ရရန် ပြန်ကြားရေးဝန်ကြီးဌာနသို့ တရားဝင် စာတင်
Thursday, February 21, 2013

နိုင်ငံခြားသတင်းဌာန သုံးခု ပြည်တွင်း၌ ရုံးခန်းဖွင့်လှစ်ခွင့် ရရန်
ပြန်ကြားရေးဝန်ကြီးဌာနသို့ တရားဝင် စာတင်လိုက်ကြောင်း သိရသည်။

၁၉၆၂ ရှေ့ပိုင်းကာလများက နိုင်ငံတွင် နိုင်ငံခြားသတင်းဌာနအချို့ တရားဝင်ရုံးခန်း ဖွင့်လှစ်ခွင့် ရခဲ့သော်လည်း နောက်ပိုင်းကာလများတွင် မရရှိခဲ့တော့ရာ အစိုးရသစ်လက်ထက်တွင် ထပ်မံ ပြန်လည် ခွင့်ပြုပေးခြင်း
ဖြစ်သည်ဟု ရိုက်တာသတင်းဌာနမှ ဦးအောင်လှထွန်းက ပြောသည်။

“ကျွန်တော်တို့ သတင်းဌာနက မနေ့က စာတင်လိုက်တယ်၊ကျန်တဲ့သတင်း ဌာနတွေလည်း တင်ပြီးကြပြီလို့ ကြားပါတယ်”ဟု ၎င်းကဆက်ပြောသည်။

ပြန်ကြားရေးဝန်ကြီးဌာနအနေဖြင့် နိုင်ငံခြားသတင်းဌာန ပြည်တွင်းတွင် တရားဝင်ဖွင့်လှစ်ခွင့် ပြုမည့်အကြောင်းကို ၂၀၁၃ ဇန်န၀ါရီလအတွင်းက သတင်းဌာနများသို့ ပေးပို့ခဲ့သည်။

လက်ရှိတွင် နိုင်ငံခြားသတင်းဌာနများအနေဖြင့် လျှောက်လွှာတင်ထားဆဲသာ
ဖြစ်ပြီး ပြန်ကြားရေးဝန်ကြီးဌာနအနေဖြင့် ခွင့်ပြုမှုကိုတော့ ပြုလုပ်ပေးခြင်း မရှိသေးကြောင်း ၎င်းထံမှ သိရသည်။

PN 051
Popular Myanmar News Journal နိုင်ငံခြားသတင်းဌာနသုံးခု ပြည်တွင်း၌ ရုံးခန်းဖွင့်လှစ်ခွင့်ရရန် ပြန် ကြားရေးဝန်ကြီးဌာနသို့ တရားဝင်စာတင်လိုက်ကြောင်းသိရသည်။

သစ်မွှေး စိုက်ပျိုးချိန် မဟုတ်သော် လည်း ၀ယ်လို အားကောင်း

Photo: သစ်မွှေးစိုက်ပျိုးချိန် မဟုတ်သော်လည်း ၀ယ်လိုအားကောင်း
Thursday, February 21, 2013

မြန်မာနိုင်ငံ အနှံ့အပြား တွင် သစ်မွှေး စိုက်ပျိုးသူ များပြားလာပြီး
မြန်မာနိုင်ငံ၏ ဆောင်းကုန် နွေအကူး ဖေဖော်ဝါရီ တတိယပတ် အတွင်း သစ်မွှေး စိုက်ပျိုးချိန် မဟုတ် သော်လည်း ၀ယ်လိုအား ကောင်းမွန် မှုကြောင့် မြစ်ကြီးနားမြို့ မှ မျိုးကောင်း သစ်မွှေး ပျိုးပင်များမှာ ရောင်းအား
ကောင်းသကဲ့သို့ ဈေးကောင်း ရရှိလျက် ရှိကြောင်း သိရသည်။

မြစ်ကြီးနား မြို့တွင် သစ်မွှေးကို မိသားစု တစ်ပိုင်တစ်နိုင် မှ CF အသင်းအဖွဲ့ ၊ ပုဂ္ဂလိကပိုင် ကုမ္ပဏီ ကြီးများအထိ ပျိုးထောင်ခြင်း ၊ စိုက်ပျိုးခြင်း များရှိပြီး ၂၀၁၂ ခုနှစ် မိုးရာသီ ကာလက ပျိုးပင် ပေါက်ဈေးမှာ အမြင့် ၁၈ လက်မ ခန့်ရှိ သစ်မွှေး ပင်ပေါက် တစ်ပင်လျှင် ကျပ် ၃၀၀ နှုန်းခန့်သာ ရောင်းချခွင့် ရခဲ့သည်။

၂၀၁၃ ခုနှစ် ဖေဖော်ဝါရီလ အတွင်း ရန်ကုန် ၊ မန္တလေး ၊ နေပြည်တော် ၊ ရှမ်းပြည်နယ် ၊ ချင်းပြည်နယ် နှင့် အခြား တိုင်းဒေသကြီး များနှင့်
ပြည်နယ်များက မြစ်ကြီးနား ဒေသထွက် သစ်မွှေးကို ၀ယ်လိုအား
ကောင်းမွန်မှု ကြောင့် အမြင့် ၁၈ လက်မ အထက် ပျိုးပင် များကို တစ်ပင်လျှင် ငွေကျပ် ၆၀၀ နှုန်းအထက် ဈေးကောင်းရ ရောင်းချရပြီး သစ်သား သေတ္တာပုံး များအတွင်း စီရီရိုက်ထည့်၍ နယ်မြို့များသို့ ကုန်တင် ရထားတွဲ များဖြင့် နေ့စဉ် တင်ပို့ ရလျက် ရှိကြောင်း သိရှိရသည်။

The Myawady Daily
မြန်မာနိုင်ငံအနှံ့အပြားတွင် သစ်မွှေး စိုက်ပျိုးသူ များပြားလာပြီး မြန်မာနိုင်ငံ ၏ ဆောင်းကုန် နွေအကူး ဖေဖော်ဝါရီ တတိယပတ်အတွင်း သစ်မွှေး စိုက်ပျိုးချိန် မဟုတ်သော်လည်း ၀ယ်လိုအား ကောင်းမွန် မှုကြောင့် မြစ်ကြီးနားမြို့မှ မျိုးကောင်း သစ်မွှေးပျိုးပင်များမှာ ရောင်း အား ကောင်းသကဲ့သို့ ဈေးကောင်း ရရှိလျက် ရှိကြောင်း သိရသည်။

မည်သို့ပင် ဆိုစေ . . . .


Photo: မည်သို့ပင်ဆိုစေ . . . .
Thursday, February 21, 2013

မြန်မာ့လူမှု နယ်ပယ်တွင် သူ့သက်ဆိုင်ရာ အလိုက် သုံးစွဲနေပြီးသား စကားလုံးများ ရှိသည်။ သမီးရည်းစား၊ ချစ်သူ၊ မောင်နှမ၊ လင်မယား၊ မိဘ၊ သားသမီး၊ ထိမ်းမြား လက်ထပ်ခြင်း၊ စေ့စပ်ကြောင်းလမ်းခြင်း စသဖြင့် အသုံးအနှုန်းများ ရှိခဲ့သည်။ သူ့အဓိပ္ပာယ်နှင့်သူ ရှိသည်။ သို့သော် ၁၉၈၃ ခုနှစ် နောက်ပိုင်းတွင် စာရေးဆရာမ ဂျူး၏ ပထမဦးဆုံး လုံးချင်းဖြစ်သည့် အမှတ်တရ ဝတ္ထုနှင့် အတူ မြန်မာ့လူမှု နယ်ပယ်တွင် စကားလုံး အသစ်တစ်ခု ကျယ်ကျယ်ပြန့်ပြန့် ကြား လာရခဲ့သည်။
ယင်းမှာ လက်မထပ်ဘဲ အတူနေခြင်း။ Living Together ။

မြန်မာ့ထုံးတမ်း အစဉ်အလာအရ အငြင်းပွား ဖွယ်ရာ ကောင်းသည့် လူမှုပုံစံ တစ်ခုဖြစ်သည့် Living Together သည် မိသားစု နှုန်းစံမြင့်မားဆဲ ဖြစ်သည့်၊ အစဉ်အလာ ယဉ်ကျေးမှု နှုန်းစံများ မြင့်မားဆဲဖြစ်သည့် မြန်မာ့လူမှု နယ်ပယ်တွင် ပေါ်ပေါ် ထင်ထင် မတွေ့မြင်ရပေ။ ထို့ကြောင့် မည်ရွေ့မည်မျှ ရှိသည်ကို သိရှိရန် မဖြစ်နိုင်ပေ။ သို့သော် မိသားစု နှင့်အဝေး၊ ယဉ်ကျေးမှု နှုန်းစံများနှင့် အဝေးဖြစ် သည့် ပြည်ပ နိုင်ငံများ သို့
ရောက်သွားသည့်အခါ Living Together ဟူသည့် အသံသည် 
ပိုကျယ်လာ သည်။ ထင်သာမြင်သာ ရှိလာသည်။

ကိုထွန်းဦးသည် လုပ်သားပေါင်း ၁၀၀၀ ကျော်ရှိသည့် စင်ကာပူ ဆိပ်ကမ်းတွင် အလုပ်လုပ်ခဲ့ သူဖြစ်ပြီး ၂၀၀၈ ခုနှစ်တွင် မြန်မာပြည်၌ ပြန် အခြေချနေသူ ဖြစ်သည်။ သူ့အဆိုအရ Living Together နေထိုင်သူ များသည် ပထမအဆင့် အွန်လိုင်းတွင် တွေ့၊ နောက်မှ အပြင်မှာ ချိန်းတွေ့ ကြပြီးမှ နေထိုင်ကြသည်က များသည်။
"ဒီနိုင်ငံမှာက တစ်ယောက်နဲ့ တစ်ယောက် နွေးထွေးမှု မရှိဘူး။ အဲဒါက Living Together နေဖြစ်ဖို့ကို တွန်းအားပေးတယ်" ဟု ကိုထွန်းဦးက သူ့အမြင်ကို ဆိုသည်။

ထို့အတူ စင်ကာပူတွင် ကျောင်းတက်နေ သည့် အသက် ၁၈ မှ ၂၀ အရွယ် မြန်မာကျောင်း သားများ သည်လည်း Living Together နေထိုင်သူ အများအပြား ရှိပြီး အလုပ်လုပ်နေသူများ ထက်ပင် များနိုင်ကြောင်း ကိုလှိုင်စိုးက ဆိုသည်။

မိဘနှင့် ဝေးနေခြင်း၊ အချိန်အား များခြင်း၊ အချိန်ပိုင်း အလုပ်လုပ်ခွင့် ရခြင်း၊ ပိုက်ဆံကို အလွယ်တကူ ရနိုင်ခြင်းနှင့် အင်တာနက် တို့ကြောင့် Living Together နေသူ ကျောင်းသားကျောင်းသူ ပိုများကြောင်း စင်ကာပူ နိုင်ငံတွင် ၂ နှစ်ကြာ ပညာ သင်ကြားခဲ့သည့် အသက် ၂၅ နှစ်အရွယ် ကိုလှိုင်စိုးက ဆိုသည်။

ကိုထွန်းဦး အဆိုအရ Living Together နေထိုင်ဖြစ်ရန် ငွေကြေးအရ ၄၀ ရာခိုင်နှုန်း၊ လူမှုရေး အရ ၃၀ ရာခိုင်နှုန်း၊ သွေးသားဆန္ဒအရ ၃၀ ရာခိုင်နှုန်း တွန်းပို့သည်။
ငွေကြေးအရ အကူအညီ တောင်းရင်း Living Together နေဖြစ် သွားသည်များ ရှိသလို ရောမရောက် ရောမလို ကျင့်ဟူသည် ပတ်ဝန်းကျင်ကြောင့် နေဖြစ် သွားသည်များလည်း ရှိကြောင်း ကိုထွန်းဦးက ဆိုသည်။

ကိုလှိုင်စိုး၏အဆိုအရ ငှားနေသည့် အိမ်သည် မြန်မာအိမ် ဆိုလျှင် Living Together နေဖြစ်ရန် နည်းသည်။ အိမ်ရှင်က စင်ကာပူ ဖြစ်နေလျှင် Living Together နေဖြစ်သွားသည်က များသည်။
စင်ကာပူ ကဲ့သို့ပင် မလေးရှား တွင်လည်း Living Together နေသည့် မြန်မာ အများအပြား ရှိသည်ဟု ကိုခန့်မင်းက ဆိုသည်။
"တော်တော်များများက မလေးရောက်ပြီး မကြာခင်မှာ ရည်းစားတွေ ရကြပြီး Living Together နေသွားကြတာ များတယ်"ဟု သူမြင် တွေ့နေရသည့် အခြေအနေကို ပြောပြသည်။
သူအမြင်အရ လက်ထပ်မည်ဟု လေးလေး နက်နက် စဉ်းစားပြီး Living Together နေလျှင် ကောင်းသည်။ သို့သော် မလေးရောက် မြန်မာများသည် တခြားငွေကြေးနှင့် သွေးသားဆန္ဒ အပေါ်တွင် အခြေ တည်ပြီး နေသည်က များသည်။ ယင်းသို့နေထိုင်မှု နှင့်ပတ်သက်၍ ကိုခန့်မင်းက "ကိုယ်ကောင်းတယ် ထင်ရင်လုပ်၊ ကိုယ်ဖြစ်ကိုယ်ခံ" ဟုဆိုသည်။

စိတ်ပညာရှင် Dr. Scott Stanley က ဘယ် အချိန်၊ ဘယ်နေရာမှာ၊ ဘာကြောင့် Living Together နေတယ် ဆိုတာအပေါ် အုပ်စုအမျိုးမျိုး ကွဲပြား သွားကြသည်မှာ စိတ်ဝင်စားဖွယ် အတော် ကောင်းသည်ဟု မှတ်ချက်ပြုသည်ကို USA Today တွင်ဖော်ပြသည်။

Living Together ကို လက်ခံသူများသည် "လက်ထပ်ပြီးကာမှ မှားမှန်းသိရက် နောက်ဆုတ် ရခက်သည်ထက် စာလျှင် လက်မထပ်ဘဲ အတူတူ နေပြီး တစ်ယောက်ကို တစ်ယောက် လေ့လာပြီး ကာမှ လက်ထပ်သည်က ပိုကောင်းသည်" ဟူသည့် အယူအဆ ရှိကြသည်။

ယင်းအယူအဆကို လက်ခံသူများ ထဲတွင် ထိုင်းနိုင်ငံ ချင်းမိုင်တက္ကသိုလ်တွင် စီးပွားရေး ပညာ သင်ယူနေသည့် အသက် ၂၇ နှစ်အရွယ် မဝင်းမော်အေးလည်း အပါအဝင် ဖြစ်သည်။ သူမက လက်ထပ် ထိမ်းမြားခြင်းမှာ အလွန်တရာ ရှုပ်ထွေး ပြီး တရားဝင် လိင် ဆက်ဆံခွင့် ပြုလိုက်ခြင်းသက် သက် မဟုတ်။ လူနှစ်ဦး အတူနေတာလည်း မဟုတ်။ မိသားစုဆွေမျိုး အသိုင်းအဝိုင်းနှစ်ခု ပေါင်းစည်း ခြင်း ဖြစ်ကြောင်း ဆိုသည်။
သူမအနေဖြင့် ဓလေ့ထုံးတမ်း စဉ်လာ ဘာသာတရား ကျင့်ဝတ်များဖြင့် သတ်မှတ်ပြဋ္ဌာန်း ထားတာမျိုး မဟုတ်လျှင် နေမည်။ ထိုင်းတွင်လည်း Living Together နေသူ များစွာရှိသည်ဟု ဆိုသည်။ ရာခိုင်နှုန်း တစ်ခုခု ကိုမူ သူမ မခန့်မှန်း ပေးနိုင်ပေ။

မိမိချစ်သူနှင့် အတူ Living Together ခြောက်လ နေခဲ့သည့် သတင်းထောက် တစ်ဦးဖြစ်သူ ကိုဆန်းမောင် အမြင်မှာ Living Together သည် အိမ်ထောင်ရေး မူကြိုဖြစ်သည့် အတွက် နေသင့် သည်။ မြန်မာ့ လူ့အဖွဲ့အစည်း အတွက်ဆိုလျှင် Living Together နေထိုင်ခြင်း သည် ဖောင်ဖျက် လိုက်သည်နှင့် တူသည်ဟု သူကဆိုသည်။

ကိုဆန်းမောင်၏ အမြင်နှင့် ကွဲပြားသည်မှာ စက်မှုအင်ဂျင်နီယာ တစ်ဦးဖြစ်သူ ကိုစိုးအောင် ဖြစ်သည်။ သူ့အမြင်အရ တကယ်လို့သာ နှစ်ဖက် စလုံး၏ မိဘနှင့် သားသမီးကြားတွင် ပွင့်လင်းမှု ရှိလျှင် Living Together နေစရာ မလိုဘဲ လေ့လာ နိုင်သည်ဟု ဆိုသည်။ သို့သော် စင်ကာပူ ကဲ့သို့သော ပြည်ပနိုင်ငံ သို့ ရောက်လျှင် Living Together နေဖြစ် သွားလိမ့်မည်ဟု ဆိုသည်။
သူ့အကြောင်းပြချက် မှာ "ဂုဏ်သိက္ခာ ဆိုတာ လူ့အဖွဲ့အစည်းက တိုင်းတဲ့ ပေတံပါ။ ကိုယ်ကျင့်တရား ကတော့ ကိုယ့် ရင်ထဲက ပေတံ၊ ကိုယ့်ဟာကိုယ် တိုင်းတဲ့ပေတံ"

University of Denver ရှိ The Center for Marital and Family Studies ၏ တွဲဖက် ဒါရိုက်တာ ဖြစ်သူ စိတ်ပညာရှင် Dr. Scott Stanley က Living Together နေထိုင်ခြင်းသည် ရေရှည် ဆက်ဆံရေး အတွက် မည်သည့် ကောင်းကျိုးမျှ မရှိဟု ဆိုသည်။ သူ့အဆိုအရ Living Together နေထိုင်ခြင်းသည် အိမ်ထောင်ရေးတွင် ကောင်းမွန် သည့် ဆက်ဆံရေးကို မဖြစ်စေခြင်း၊ အိမ်ထောင်မှု ဘဝအပေါ် စိတ်ကျေနပ်မှု နိမ့်ပါးခြင်း၊ အိမ်ထောင်ရေး မငြိမ်မသက်မှု များခြင်း၊ အမျိုးသားများ ခင်ပွန်း ဖြစ်မှုနည်းခြင်း၊ အိမ်ထောင်ပြိုကွဲမှု အတွက် အလားအလာ များခြင်း တို့ကို ဖြစ်စေသည်။

ကိုလံဘီယာ တက္ကသိုလ်၏ လူပေါင်း ၁၃,၀၀၀ ကို မေးမြန်း ခဲ့သည့် လေ့လာမှု အရ Living Together နေသူ အမျိုးသား ၁၉ ရာခိုင်နှုန်းနှင့် အမျိုးသမီး ၂၆ ရာခိုင်နှုန်း သာလျှင် သူတို့ Living Together နေသူနှင့် လက်ထပ်ဖြစ်ကြကြောင်း www.leaderu.com တွင် ဖော်ပြသည်။

၁၉၉၄ ခုနှစ်ထုတ် သင့်ဘဝ မဂ္ဂဇင်းပါ မောင်ရဲသူ(မဟာဥပဒေ) ၏ လက်မထပ်ဘဲ အတူ နေခြင်းနှင့် ပတ်သက်၍ ဆောင်းပါးတွင် Living Together နေသူများသည် တစ်ဦးကို တစ်ဦး ပိုသိ သည့်အတွက် ကွာရှင်းပြတ်စဲရန် အခွင့်အလမ်း နည်းသည်ဟု ထင်ကြ သော်လည်း Living Together နေပြီးမှ လက်ထပ်သူ များသည်၊ ရိုးရိုး လက်ထပ်သူများ ထက် ကွာရှင်းပြတ်စဲရန် ၃၃ ရာခိုင်နှုန်း ပိုများသည်ဟု ဆိုသည်။

သို့သော် စိတ်ရှုပ်ထွေးစရာ ကောင်းသည်မှာ သုသေတနပြုသူများ ကြားတွင်လည်း ဝိဝါဒကွဲပြား စရာ ရလဒ်များ၊ အမြင်များ အမျိုးမျိုး ရှိကြသည်။ USA Today တွင်ဖော်ပြထားသည့် ၂၀၁၀ ပြည့် နှစ်အတွင်း ထွက်လာသည့် စာတမ်း တစ်စောင်က Living Together သည် အိမ်ထောင်ရေး အတွက် အနည်းငယ် အထောက်အပံ့ဖြစ်သည် ဟူ၏။ ယင်း အပေါ်တွင်လည်း ပညာရှင်များက အငြင်းပွားချက် များစွာ ထုတ်ပြန် ထားကြသည်။

လက်ရှိတွင် ဖခင်လောင်းတစ်ဦး ဖြစ်နေ သည့် ကိုထွန်းဦးက Living Together နေမည် မဟုတ်ဟု ဆိုသည်။ "နှမချင်း စာနာလို့၊ ကိုယ်ချင်းစာလို့"ဟု ၄င်းက ဆိုသည်။
Living Together နေထိုင်ခြင်းသည် မည် သည့် တုပ်နှောင်မှုမှ မရှိသည့် အတွက် Living Together နေသည့် သက်တမ်းကြာလေ လက်မထပ်ဖြစ်ဖို့ ရာခိုင်နှုန်း များလေဟု ကိုထွန်းဦးက သူ့အတွေ့အကြုံနှင့် ယှဉ်၍ ဆိုသည်။

ယင်းသို့ Living Together နေရာတွင် အကြီးမားဆုံး ရင်ဆိုင် ရနိုင်သည်မှာ ကလေးပြဿနာ ဖြစ်သည်ဟု ကိုထွန်းဦးကဆိုသည်။ Living Together နေရင်း ကလေး ရလာသည့်အခါ ငွေကြေး နှင့် မိမိရောက်နေ သည့် နိုင်ငံ၏ ကလေးဖျက်ချခွင့် ရှိ၊ မရှိအပေါ် မူတည်၍ အဆင်ပြေသည့် နည်း လမ်းဖြင့် ဝိုင်းဖျက်ကြပြီး တချို့မှာ ကလေးရချိန် တွင် ပစ်သွားသည် များလည်းရှိကြောင်း ကိုထွန်းဦး က စင်ကာပူရောက် မြန်မာများ၏ အခြေအနေကို ပြောပြသည်။

ဆရာမြသန်းတင့် ဘာသာပြန်သည့် မိန်းမ တို့အကြောင်း (မူရင်း - The Second Sex, Written by Simone de Beauvior) စာအုပ်တွင် "အမျိုးသမီး များနှင့် ရင်းနှီးစွာ နေထိုင်ခြင်းသည် အမျိုးသား များ၏ ဂုဏ်သိက္ခာကို ပျက်စီးစေသည်။ နေ့စဉ် ပေါင်းသင်း ဆက်ဆံရာတွင်ဖြစ်စေ၊ ပထမဆုံးနမ်း ပြီးသည့် နောက်တွင်ဖြစ်စေ၊ မင်္ဂလာဦးည လွန်မြောက် သွားပြီးသည့် အခါဖြစ်စေ ယောက်ျား၏ ဂုဏ်သိက္ခာ ပြိုကျသွားလေ့ ရှိသည်ဟု သုံးသပ် ဖော်ပြသည်။

ယင်းမှာ အမျိုးသမီးများ၏ ရှုထောင့်မှ ဖော်ပြထားခြင်း ဖြစ်ပြီး အမျိုးသားများ၏ ရှုထောင့်မှာ လည်း ယင်းနှင့် မခြား ရှိသည်ကို မေးမြန်းမှုများ အရ သိရသည်။

ယင်းကဲ့သို့ Living Together နေခြင်းတွင် များပြား လှစွာသော အားနည်းချက် များကို တွေ့ ရသည့်အခါ အားသာချက်များကော မရှိဘူးလား ဟု တွေးစရာ ပေါ်လာသည်။ အားလုံး တညီတညွတ် တည်း ပြောကြ သည်မှာ လက်ထပ်ပြီးမှ ကွဲသွား တာထက် စာရင် ကောင်းတယ်။

တခြားကော ...
ပြည်ပရောက် မြန်မာများတွင် လူပျိုလူလွတ် များက Living Together များ ရှိသလို မိမိ ခင်ပွန်းဖြစ်စေ၊ ဇနီးဖြစ်စေ မြန်မာပြည်တွင် ကျန် ခဲ့သည့် အိမ်ထောင်သည် များလည်း Living Together နေထိုင်ကြကြောင်း သိရသည်။

ယင်းကဲ့သို့ အိမ်ထောင် ရှိသူများ Living Together နေထိုင်ခြင်းသည် ဗုဒ္ဓဘာသာ၏ သိက္ခာ ပုဒ်အရ ကာမဂုဏ်များ ဖောက်လွဲ ဖောက်ပြန်ပြု ခြင်း မှ ရှောင်ကြဉ်ခြင်း ဖြစ်သည့် ကာမေသုမိစ္ဆာ သိက္ခာပုဒ်ကို ကျူးလွန်ရာ ရောက်ကြောင်း အရှင် ဝိစိတ္တ(မနာပဒါယီ) ၏ Living Together နှင့် ကာမေသုမိစ္ဆာစာရ ဆောင်းပါးတွင် ရေးသား ထားသည်။ ယင်းကို ပါရာဇိကဏ် အဌာကထာ တွင် ဖွင့် ထားသည်။
ယင်း သိက္ခာပုဒ်သည် တစ်လင် တစ်မယား စနစ်ကို အကောင်အထည် ဖော်ပေးထားခြင်း ဖြစ်ပြီး မိမိ၏ လင်ယောက်ျား၊ မိမိဇနီးမယားမှ လွဲ၍ မည်သူ့ကိုမျှ၊ မည်သည့် အကြောင်းကြောင့် မျှ ဖောက်လွဲဖောက်ပြန် မပြုရဟု တားမြစ်ထားခြင်း ဖြစ်ပါသည်။

အိမ်ထောင်သည် ယောက်ျားများ အတွက် ဖောက်လွဲဖောက်ပြန် မပြုအပ်သည့် မိန်းမ၊ မသွား လာအပ်သည့် မိန်းမ (အဂမနီယ) (၂၀) ရှိပြီး ပထမရှစ်ဦးမှာ ကာမပိုင် မရှိသည့် အပျိုစင်များ ဖြစ် ကာ ဒုတိယ ၁၂ မျိုးမှာ ကာမပိုင် ယောက်ျားရှိ သည့် မိန်းမများဖြစ်သည်။

ပထမရှစ်မျိုးနှင့် ဖောက်လွဲဖောက်ပြန် ပြုလျှင် ဖောက်ပြန်သူ ယောက်ျား က ကာမေသုမိစ္ဆာစာရ ကံထိုက်ပြီး၊ အမျိုးသမီးများ မိမိကာမ မိမိသာ ပိုင်သည့်အတွက် ကံမထိုက်ပေ။

ဒုတိယ ၁၂ မျိုးသည် ကာမပိုင် ရှိသည့်အတွက် ယောက်ျား တွင်လည်း ကာမေသုမိစ္ဆာစာရကံ ထိုက်သလို မိန်းမ သည်လည်း မိမိ ကာမပိုင်မဟုတ် သည့် အခြား ယောက်ျားနှင့် ဖောက်ပြန်သည့် အတွက် ကာမေသုမိစ္ဆာစာရ ကံ မြောက်ပေသည်။

သို့သော် ကာမေသုမိစ္ဆာစာရကံ မြောက်စေသည့် အချက်များနှင့် ကိုက်ညီမှသာ ယင်းကံ ထိုက်သည်ကို မမေ့အပ်ပေ။ ယင်းကံကိုထိုက်စေ သည့် အင်္ဂါရပ်တစ်ခုခု ချွတ်ယွင်း နေလျှင် ကာမေ သုမိစ္ဆာစာရကံ မထိုက်ပေ။ အထူး သတိထားရ မည်မှာ ယောက်ျားလေး ကလည်း တရားဝင် ကာမပိုင် ရှိနေနိုင်သလို၊ မိန်းကလေး မှာလည်း တရားဝင်ကာမပိုင် ရှိနေနိုင်သည့် အတွက် မိမိ Living Together သည် ကာမေသုမိစ္ဆာစာရကံ ထိုက် မထိုက်ကို အထူးဆင်ခြင် သတိပြုသင့်ပေ သည်ဟု အရှင်ဝိစိတ္တ၏ Living Together နှင့် ကာမသုမိစ္ဆာစာရ ဆောင်းပါးတွင် ဖော်ပြထားသည်။

အားလုံးကို ခြုံကြည့်လျှင် ပညာရှင်များ ကြား တွင်လည်း အငြင်း ပွားစရာ ဖြစ်နေသည့် နေထိုင်မှု ပုံစံ တစ်ခုဖြစ်သော Living Together နေထိုင်သူ များသည် မိမိ၏ လက်တွဲဖော် ဖြစ်ရန် သင့် မသင့် စဉ်းစားချက်များဖြင့် နေသည်များ ရှိသလို၊ ငွေကြေး အခြေပြု၊ သွေးသားဆန္ဒ အခြေပြု နေထိုင်သူများ လည်းရှိသည်။ အားလုံးတစ်သံတည်း ထွက်သည် မှာ လက်ထပ်ပြီးမှ မှားမှန်း သိတာထက် စာရင်တော့ ကောင်းသည်။ သို့သော် ကိုယ်တွေ့ကြုံရသူများ၊ သုသေတနပညာရှင် များ၏ အဆိုအရ ပြဿနာ များစွာ ရှိနေသည်။ ဘာသာရေး အရလည်း စည်းကျိုးမှုများ ဖြစ်နိုင်သည်။

ရုပ်ရှင်ရိုက်သည့်အခါ အစမ်း သရုပ်ဆောင်ကြည့်ခြင်း ရှိသည်။ သူ့တွင် ဖလင်သာ ကုန်၍ ကျန်သည့်ပြဿနာ မရှိပေ။ သို့သော် လူ့ဖြစ်တည်မှု အရေးကြီးဆုံး များထဲတွင် တစ်ခုဖြစ်သည့် အိမ်ရာ ထူထောင်ခြင်းတွင် အစမ်း ပြုလုပ် သင့်ပါသလား။ ပြဿနာများစွာ ရှိသည်မှာ အသေအချာ ပင် ဖြစ်သည်။ ဤသို့ဆိုလျှင် ကျွန်တော် တို့ အစမ်း အိမ်ထောင့်ပြုသင့် ပါသလား။

ဆောင်းပါးပါ အမည်များကို ကာယကံရှင် များ၏ဆန္ဒ အရ ပြောင်းလဲ ထားပါသည်။

(ဟန်ထက်)
The Voice Weeklyမြန်မာ့လူမှု နယ်ပယ်တွင် သူ့သက်ဆိုင်ရာ အလိုက် သုံးစွဲနေပြီးသား စကားလုံးများ ရှိသည်။ သမီးရည်းစား၊ ချစ်သူ၊ မောင်နှမ၊ လင်မယား၊ မိဘ၊ သားသမီး၊ ထိမ်းမြား လက်ထပ်ခြင်း၊ စေ့စပ်ကြောင်းလမ်းခြင်း စသဖြင့် အသုံးအနှုန်းများ ရှိခဲ့သည်။ သူ့အဓိပ္ပာယ်နှင့်သူ ရှိသည်။ သို့သော် ၁၉၈၃ ခုနှစ် နောက်ပိုင်းတွင် စာရေးဆရာမ ဂျူး၏ ပထမဦးဆုံး လုံးချင်းဖြစ်သည့် အမှတ်တရ ဝတ္ထုနှင့် အတူ မြန်မာ့လူမှု နယ်ပယ်တွင် စကားလုံး အသစ်တစ်ခု ကျယ်ကျယ်ပြန့်ပြန့် ကြား လာရခဲ့သည်။

သတင်းအချက်အလက်ဆိုင်ရာအခွင့်အရေးအလုပ်ရုံဆွေးနွေးပွဲ

Photo: င်္မီဒီယာဥပဒေနှင့်သတင်းအချက်အလက်ဆိုင်ရာအခွင့်အရေးအလုပ်ရုံဆွေးနွေးပွဲ ကျင်းပ ရန်ကုန်-ဖေဖော်ဝါရီ၂၁ င်္မီဒီယာဥပဒေနှင့် သတင်းအချက်အလက်ဆိုင်ရာ အခွင့်အရေး အလုပ်ရုံဆွေးနွေးပွဲကို ဖေဖော်ဝါရီ၂၁ရက်နံနက်က မီကာဆာ ဟိုတယ်၌ကျင်းရာ ကနေဒါအခြေဆိုက်နိင်ငံတကာ လူ့အခွင့်ရေး NGO ဖြစ်သည့်Centre for Law and Democracy (CLD) မှ အမှုဆောင်ဒါရိုက်တာ Mr Toby Mendel ဦးဆောင်ဆွေးနွေးနေကြောင်းသိရသည်။ (CLD) မှ အမှုဆောင်ဒါရိုက်တာMr Toby Mendel က လွတ်လပ်စွာထုတ်ဖော်ပြောဆိုခွင့်နှင့်မီဒီယာအားထိန်းချုပ်ခြင်း၊မြန်မာမီဒီယာသမားများအတွက် အားကောင်းသော သတင်းမီဒီယာဥပဒေတရပ်ဖော်ဆောင်ရေးတို့ကို မြန်မာမီဒီယာသမားများနှင့်အတူ ဆွေးနွေးနေကြောင်း အဆိုပါအလုပ်ရုံဆွေးနွေးပွဲတက်ရောက်သူ တစ်ဦးကပြောသည်။ အဆိုပါအလုပ်ရုံဆွေးနွေးပွဲကို မဇ္ဈိမမီဒီယာနှင့်ဒီမိုကရေစီနှင့် ဥပဒေရေးရာစင်တာတို့ မှ စီစဉ်ကျင်းပခြင်းဖြစ်သည်။

Thet
Popular Myanmar News Journal
င်္မီဒီယာဥပဒေနှင့် သတင်းအချက်အလက်ဆိုင်ရာ အခွင့်အရေး အလုပ်ရုံဆွေးနွေးပွဲ ကျင်းပ ရန်ကုန်-ဖေဖော်ဝါရီ၂၁ င်္မီဒီယာဥပဒေနှင့် သတင်းအချက်အလက်ဆိုင်ရာ အခွင့်အရေး အလုပ်ရုံဆွေးနွေးပွဲ ကို ဖေဖော်ဝါရီ ၂၁ ရက်နံနက်က မီကာဆာ ဟိုတယ်၌ကျင်းရာ

နည်းပညာသစ်တွေနဲ့  ထွက်လာတဲ့ HTC Onနည်းပညာ သစ်တွေနဲ့  ထွက်လာ တဲ့ HTC One စမတ် ဖုန်းe စမတ်ဖုန်း


Photo: နည်းပညာသစ်တွေနဲ့  ထွက်လာတဲ့ HTC One စမတ်ဖုန်း
Thursday, February 21, 2013 

လန်ဒန် နဲ့ နယူးယောက် မြို့ ကြီးတွေမှာ တဆက်တည်းဆိုသလို မိတ်ဆက်ပွဲတွေ ပြုလုပ်ခဲ့တဲ HTC ဟာ သူ့ရဲ့ နောက်ဆုံးအဆင့်မြင့် စမတ်ဖုန်းဖြစ်တဲ့ HTC One ကို ထုတ်ဖော်ပြသလိုက်ပါပြီ။ 

နာမည်ကြီး မိုဘိုင်းကုမ္မဏီ  HTC ရဲ့ ဒီဖုန်းဟာ iPhone 5 နဲ့ Samsung Galaxy S III တို့လို စမတ်ဖုန်းတွေနဲ့ အပြိုင် ဈေးကွက်လုယူဖို့ ရှိနေပါတယ်။

Andriod 4.2 Jelly Bean ကို အသုံးပြုထားတဲ့ ဒီဖုန်းဟာ 4.7 လက်မ ရှိပြီး ၊ ဖုန်းရဲ့ ဖန်သားပြင်ဟာလည်း 1080p HD screen ဖြစ်တာကြောင့်
ပိုမိုကြည်လင်နေသလို Gorilla Glass Display လို့ ခေါ်တဲ့ နည်းပညာ
အသစ်ကိုလည်း အသုံးပြုထားပါတယ်။

ထူးခြားတာကတော့ ဖုန်းတခုလုံးကို အလူမီနီယမ်နဲ့ ပြုလုပ်ထားတာပါ။ လက်ထဲမှာ တခြားဖုန်းတွေနဲ့ မတူတဲ့အရသာကို ခံစားရဖို့ ရှိပါတယ်။

ဒါ့အပြင် ဖုန်းရဲ့အထူအပါးဟာ 4mm ရှိတာကြောင့် ဖုန်းခပ်ပါးပါး ကြိုက်တဲ့သူတွေအတွက် အဆင်ပြေမှာပါ။

quad-core Snapdragon 600 processor, 2GB of RAM တို့ကို သုံးထားတာကြောင့် ဖုန်းရဲ့ အလုပ် လုပ်ကိုင်မှုစွမ်းရည်ဟာလည်း အတော်ကိုမြန်ပါလိမ့်မယ်။ 

အနက် နဲ့ ငွေရောင် ၂ မျိုး ထုတ်လုပ်သွားမှာဖြစ်ပြီး မတ်လထဲမှာ စတင် ဖြန့်ချီသွားမယ်လို့ သိရပါတယ်။

 ဈေးနှုန်းကိုတော့ HTC က ထုတ်ဖော် ပြောကြားခြင်း မရှိသေးပါဘူး။

HTC One မှာ ဘာတွေ ဆန်းသစ်ထားသလဲ ~

HTC ကတော့ ဒီဖုန်းမှာ ထူးခြားဆန်းသစ်တဲ့ ကင်မရာ တပ်ဆင်
ထားတယ်လို့ ပြောဆိုသွားပြီး အလင်းနည်းတဲ့နေရာမှာလည်း
ကောင်းမွန်တဲ့ ဓာတ်ပုံ တစ်ပုံ ရိုက်ကူးနိုင်တယ်လို့ ဆိုပါတယ်။
Image Sensor ကောင်းမွန်တဲ့အတွက် ဓာတ်ပုံရိုက်တာနှစ်ခြိုက်တဲ့
သူတွေအတွက် အဆင်ပြေပါလိမ့်မယ်။

ဒါ့အပြင် HTC Zoe လို့ ခေါ်တဲ့ နည်းပညာတစ်မျိုးဟာ ဒီဖုန်းမှာ ပါဝင်လာပြီး ဒီနည်းပညာအရဆိုရင် HD Video နဲ့ ဓာတ်ပုံတွေကို တချိန်တည်းမှာ ဖမ်းယူရိုက်ကူးနိုင်မယ်လို့ ဆိုပါတယ်။ ဒီနည်းပညာဟာ BlackBerry ရဲ့ StoryMaker နဲ့ အတော့်ကို ဆင်ပါတယ်။

သီချင်းနားထောင်မလား ၊ အသံဖမ်းယူမလား ~

ဖုန်းရဲ့ ရှေ့မျက်နှာပြင် အပေါ်ဘက် နဲ့ အောက်ဘက်တွေမှာ Stereo Speaker ၂ ခု ပါရှိလာတာကြောင့် သီချင်းကြိုက်သူတွေနှစ်သက်ကြမှာပါ။
နားကြပ် နဲ့ နားမထောင်ချင်တဲ့အခါ ဖုန်းရဲ့ စပီကာ နဲ့ ကောင်းကောင်း နားထောင်နိုင်မှာဖြစ်ပါတယ်။

နောက်ထပ်ထူးခြားချက်က အင်တာနက်ထဲကနေဆင့် သီချင်းနားထောင်
တဲ့အခါ သီချင်းစာသားတွေတခါတည်းပေါ်နိုင်အောင် လုပ်ထားတယ် ဆိုတာပါပဲ။ အသံဖမ်းတဲ့အခါမှာကြည်လင်စေမယ့် မိုက်ခရိုဖုန်း ၂ ခု
လည်းပါရှိတယ်။

နောက်ဆုံးပေါ် ဘယ်တီဗွီကို မဆို ချယ်နယ် ပြောင်းချင်တယ်ဆို ဖုန်းကနေလှမ်းပြီး ပြောင်းနိုင်တဲ့ နည်းပညာလည်းပါဝင်ပါတယ်။

HTC One ဟာ မတ်လမှာ ထွက်ရှိလာမယ့် Samsung Galaxy S 4 နဲ့ ဈေးကွက်လုရဖို့ ရှိပြီး ဒီဖုန်းရဲ့ စွမ်းဆောင်ရည်ကိုကြည့်ပြီး နာမည်ကျော်ဖုန်းတွေကို အဓိက စိန်ခေါ်နိုင်လိမ့်မယ်လို့ နည်းပညာ
ကျွမ်းကျင်သူတွေကဆိုနေကြပါတယ်။

လွန်ခဲ့တဲ့နှစ်တုန်းက HTC One X စမတ်ဖုန်းဟာလည်း နာမည် အတော်
အသင့်ရခဲ့ပေမယ့် ရောင်းအားမှာတော့ ထင်သလောက်ပဲဖြစ်ခဲ့တာကြောင့် ဒီတခါမှာတော့ HTC ဟာ သူရဲ့ဖုန်းအသစ်ကိုလူကြိုက်များစေဖို့ 
အစွမ်းကုန်ကြိုးပမ်းလျက်ရှိနေပါတယ်။

မြန်မာ ပရိသတ် နဲ့ မစိမ်းတဲ့ HTC စမတ်ဖုန်းတွေဟာ ပြီးခဲ့တဲ့လက
မြန်မာပြည်မှာ တရားဝင် စတင်ရောင်းချခဲ့သလို၊ မြန်မာစာစနစ်
ပထမဦးဆုံး ထည့်သွင်းတဲ့ ဖုန်းအမျိုးအစား ဖြစ်ပါတယ်။ 

Peter Chou လို့ လူသိများတဲ့ မန္တလေး ဇာတိ ၊ တိုင်ဝမ်အခြေစိုက် HTC  သူဌေးကြီးဟာ အိုင်တီပစ္စည်းသုံးသူမြန်မာလူငယ်တွေကြားမှာ
ရေပန်းစားနေတဲ့ အထင်ကရ အိုင်တီ ပညာရှင်ကြီးတဦးလည်း ဖြစ်ပါတယ်။

Source:

    http://mashable.com/2013/02/19/htc-one-smartphone/
    http://reviews.cnet.com/htc-one/

ဆောင်းဦးလင်း 
ဧရာဝတီ လန်ဒန် နဲ့ နယူးယောက် မြို့ ကြီးတွေမှာ တဆက်တည်းဆိုသလို မိတ်ဆက်ပွဲတွေ ပြုလုပ်ခဲ့တဲ HTC ဟာ သူ့ရဲ့ နောက်ဆုံးအဆင့်မြင့် စမတ်ဖုန်းဖြစ်တဲ့ HTC One ကို ထုတ်ဖော်ပြသလိုက်ပါပြီ။